Бичлэг тандагчшүд болон ой санамж хоорондоо холбоотой болохыг тогтоожээ.
АНУ-ын Баруун Виржинигийн их сургуулийн эрдэмтэд ахимаг насны 270 гаруй хүн дээр хийсэн судалгааны явцад цэвэр шүд болон ой санамж хоорондоо холбоотой болохыг тогтоожээ. Одоо эрдэмтэд энэхүү холбоосын шалтгааныг олохоор өөр нэгэн судалгаа явуулж байгаа аж.
Жилийн өмнө мөн ийм санааг өөр судлаачид дэвшүүлж байсан. 2009 оны аравдугаар сард Колумбын их сургуулийн эрдэмтэд шүд, амны хөндийгөө тогтмол, сайн цэвэрлэх нь нас ахисан ч эрүүл саруул ой ухаанаа хадгалж үлдэхэд тус болдгийг баталсан судалгааны материал нийтлүүлжээ. Шүдээ сайн арчлах нь ой ухаан муудахад саад болдог гэнэ. Буйлнаас нь цус гардаг, шүд нь өнгөртсөн, чулуутай, хорхой идсэн гэх мэт өвчлөлтэй хүмүүст ой санамж асуудалтай болох нь их байдаг аж. Амны ариун цэвэр хэдий чинээ муу байна ой ухаан муудах эрсдэл төдий чинээ их байна гэсэн үг. Үүнээс гадна хүний илүү жин оюун ухаанд нөлөөлдөг болохыг АНУ-ын эрдэмтэд тогтоосон байна. 65-80 насны 10 мянга гаруй сайн дурынхныг судалгаанд хамруулжээ. Судалгааны үр дүнд тарган хүмүүсийн ой тогтоолт бусдаасаа муу байсан аж. Эрдэмтэд өөхөн давхарга мэдрэлийн эд эсийн идэвхтэй байдлыг дарж байдаг цитокин үүсэхэд нөлөөлдөг болохыг тогтоожээ.
